Traducite de Tribuna da Europa per Ensjo. |
Le PE habeva ration in
voler approfundar le analyse del modo como le Commission veniva essente gerite. Ben que le
expertos non ha trovate qualcunque signal que alcun del commissarios era personalmente
involvite in qualcunque caso de fraude, e que in un sol caso se ha confirmate le
existentia de signales de nepotismo censurabile, lor conclusiones ha essite multo grave in
terminos general: le reporto denuncia un inacceptabile absentia de controlo per le
collection del commissarios super le activitate de lor servicios. Ille absentia de
controlo es tanto plus grave quando le insufficientia de medios human e material ha ducite
le Commission a recurrer frequentemente al delegation de lor functiones a entitates
private — le famose "cabinettos de assistentia technic" — que geriva
le monetas communitari, multe vices con un quasi total independentia del Commission. E ha
essite hic que le irregularitates e le fraude ha florescite, ante le passivitate del
principal responsabiles, le collegio de commissarios. Ante iste scenario "demolitor", in le dicer de alcun deputatos, solo
restava al Commission le dimission collective. Quando, circa le 22 horas, le Presidente
del gruppo socialista, Pauline Green, ha invitate le Commission a dimitter se sub pena que
su gruppo avantiarea con un motion de censura, le sorte del Commission era plenmente
traciate. Alcun horas postea, le Commission annunciava le dimission collective.
Pone se, ora, le question del substitution del
Commission. Intentiones expresse per su Presidente a iste respecto, le PE ha approbate, in
le die 23, un resolution petente le substitution immediate del Commission, considerante
que iste, habente perdite le confidentia del PE e del opinion public, non pote continuar
in functiones usque le final de su mandato (in le fin del anno), mesmo si solmente
in functiones de gestion del affaires currente.
In consequentia, le PE peteva al Consilio Europee
de Berlin que illo elabora, in collaboration con le Parlamento, un calendario rationabile
e precise pro tractar del designation del nove Commission, appellante al Governamentos del
Statos-Membros que illos indica, con maxime urgentia, lor candidato al posto de Presidente
del Commission, assi como a los de Comissarios. Le rapide nomination de Romano Prodi pare
demonstrar que le Dece-cinque vole cooperar con le PE pro superar le crise. Ma ancora
resta varie questiones a tractar. Le PE pretende que le nove Commission sia designate pro
le periodo restante del mandato (usque le final de iste anno), insistente que le
procedimentos previste in le Tractato de Amsterdam debera esser applicate, tanto in lo que
concerne le approbation de iste Commission, como de illo que assumera functiones a partir
de 1me de januario de 2000. Rememora que le Tractato de Amsterdam, que potera entrar in
vigor ja in maio proxime, reinfortia le rolo del PE in iste materia, conferente a illo le
poter de vetarle nomine indicate per le Consilio Europee pro Presidente del Commission. Al
mesme tempore, illo confere poteres specific al Presidente del Commission in relation al
restante commissarios, lo que tamben se harmoniza con lo que le PE desira.
Comocunque, que se accentua que non es solmente le
iminente entrata in vigor del nove Tractato que rende le situation institutional aliquanto
delicate: obviemente, iste Commission non pote mantener se in functiones usque le final
del anno; del altere latere, in junio sera electe un nove PE, e assi non competera al
assemblea cessante assumer futur compromissos politic que vincula le nove assemblea. Tote
isto reinfortia ancora plus le necessitate que le Consilio e le Dece-cinque stabili un
profunde dialogo politic super le nomines e super le procedimentos a sequer, perque
solmente con le bon voluntate de ambe le institutiones del quales le Commission depende
politicamente se potera exir del impasse e trovar un solution, non solmente pro le proxime
menses, ma que sia delineate pensante al proxime cinque annos.
Que se refere que le PE non pretende, in
consequentia de tote iste crise, mitter in causa le rolo institutional del Commission. Al
contrario, le deputatos ha reaffirmate le necessitate de un Commission forte e capace de
exercer plenmente le rolo que le Tractatos confere a illo in le equilibrio del
institutiones europee, advertente contra le tendentia de illes qui pretende profitar del
crise pro submitter le Commission sempre plus al voluntate del Statos-Membros. E un
Commission solo pote esser forte si illo sera legitimate democraticamente, assumente
plenmente su responsabilitate politic ante le PE. A causa de illo, iste debe participar
plenmente in su nomination.
Finalmente, le deputatos pete al Consilio Europee
que illo non utiliza le question del crise in le Commission como un pretexto pro postponer
le decisiones relative al Agenda 2000.
|
