Le artistas firma un petition pro consequer que se defende lor
derectos de autor
Traducite de Tribuna del Parlamento Europeo per
Ensjo. |
Con le finalitate de adaptar le
normativa al progresso technic e de regular le cyberspatio, le Commission Europee ha
presentate un proposition de directiva super derectos de autor in le societate del
information. Le objectivo es stabilir un [marco] communitari que defende le proprietate
intellectual del autores, tenente in conto le nove technologias digital como Internet, e
que evita le pirateria. Con su emendamentos, le Camara europee reinfortia le derectos de
autor per exiger le remuneration adequate del proprietate intellectual quando se reproduce
e transmitte, inclusive quando il se tracta de copias private de bandas o de discos
compacte.In defensa del artistas
De iste forma, se defende le creativitate del artistas
europee, qui vole utilizar le nove technologias digital, como Internet, pro crear e
distribuer lor musica, mais sub le protection de alcun normas que impede que lor travalio
cade in manos del piratas. Plus que 400 artistas e musicos de Europa, per exemplo, Eros
Ramazzotti, Robbie Williams o le espanioles Rosana, Luz Casal, Alejandro Sanz, Gabinete
Caligari o Cómplices, ha firmate un petition al Parlamento in favor del protection del
proprietate intellectual. Le Parlamento Europee es consciente del necessitate de un
protection legal del cultura europee. A causa de illo, illo appella le attention super le
periculos de que le societate del information remane in le manos solmente del grande
industrias. Equalmente, illo critica le disregulamentation, pro intender que un manco de
normas non pote favorir "le Europa del cognoscentia".
Le technologia digital — per exemplo, de discos
compactos o Internet — permitte un qualitate de reproduction multo superior a ille
del medios analogic, como le traditional discos o bandas. Un incentivo considerabile pro
un mercato al margine del circuitos official. Le flexibilitate que offere Internet e le
emissiones interactive incrementa le risco de violation del proprietate intellectual. Ben
que existe dispositivos "antipirata", se necessita un [marco] legal que protege
lor uso. Iste es un del aspectos contemplate in le proposition de directiva.
|
