Traducite de Tribuna da Europa per Ensjo. |
INQUESTA. Le
membros del “commission de expertos independente” incargate de analysar le modo
como le Commission gere le budget communitari e detectar le eventual responsabilitates
collective o individual del commissarios ha essite nominate per le [Mesa] del PE le die 27
de januario passate. Il se tracta de Inga-Britt Ahlenius (S), responsabile per le servicio
national de [auditoria] svedese; Juan Antonio Carrillo Salcedo (E), antique judice del
[Tribunal Europeu dos Direitos do Homem] e professor de Derecto International; Pierre
Lelong (F), antique membro e presidente del [Tribunal de Contas] francese; André
Middelhoek (NL), antique Presidente del [Tribunal de Contas das Comunidades Européias]; e
Walter Van Gerven (B), antique advocato general in le [Tribunal de Justiça das
Comunidades Européias]. Usque 15 de martio, le expertos presentara al PE un prime reporto
super le eventual responsabilitate collective del Commission o individual del commissarios
de casos recente de fraudes, mal gestion o nepotismo. In un secunde phase, le expertos
elaborara un reporto super le procedimentos in vigor in le Commission in thema de
attribution de contractos financiari, de ingagiamento del personal incargate del gestion
del programas de controlo e fiscalization de casos de mal gestion, fraude o nepotismo in
le politica personal, etc. Le PE se pronunciara super le prime reporto in le session de 22
e 23 de martio, a Bruxelles. GALLINAS. Le
PE se ha pronunciate a favor del elimination progressive del creation de gallinas in
[gaiolas em bateria] usque 2009, durante le approbation del directiva que stabili normas
minime pro le protection del gallinas [poedeiras] in differente systemas de exploitation.
Le directiva visa a assecurar le ben-esser de tote le gallinas [poedeiras], stabiliente
normas minime de protection relativemente al spatio disponibile, al characteristicas del
nido, del lecto, del [poleiro] o del [bebedouro] e al procedimento de sectura del beccos,
que ha essite in generalitate alterate per le deputatos pro reinfortiar le protection del
animales. Hodiernemente, 93% del ovos producite in le UE proveni de creationes de gallinas
in [gaiolas em bateria], mais iste systema es particularmente contestate, debite al
conditiones extrememente penose al quales le gallinas es submittite (que non rarmente los
duce a suffrer multiple fracturas debite al total stato de immobilitate al qual illos es
obligate). Le deputatos defende le creation de gallinas in libertate o in cavias
traditional, con le characteristicas necessari pro permitter le satisfaction del
necessitates elementar del animales.
|
