Le Parlamento exige le recognoscentia del responsabilitate civil de
illes qui liberara organismos transgenic
Traducite de Tribuna del Parlamento Europeo per
Ensjo. |
In le Statos Unite, le campos
dedicate a culturas transgenic es alco ja commun. Soja modificate geneticamente, mais,
tomates, patatas... E iste productos termina in supermercatos europee a vices sin que le
consumitor sape si illos es modificate o non. Le biotechnologia obtene, per medio de
alterationes genetic, tomates plus rubie o de sapor plus dulce, o patatas plus resistente
al insectos con lo que le rendimento agricole augmenta. Mais, il ha riscos?, se questiona
le consumitor europee. Il ha periculo pro le salute a causa de lor consumption? E pote su
cultivationes damnificar le ambiente? Il se tracta de un industria de enorme potential
economic, in Europa a pena disveloppate, e quasi sin definir legalmente. A causa de illo,
un directiva intende de fixar le regulas del joco, pro permitter le production de
transgenicos in Europa, mais solo sub controlos stricte e scientific del riscos. Le Parlamento exige que, ante autorizar un production que implica
liberation al commercio de organismos geneticamente modificate (OGM), se exeque un analyse
scientific del risco e que se observa le principio de precaution pro evitar effectos
adverse super le salute human o le ambiente. Mais tamben non se debe lassar ducer per
conjecturas alarmista. Pro non [encorsetar] de troppo le economia, le Camara ha ampliate
le duration del autorization de production a 12 annos, in loco del 7 proponite per le
Commission. Le these es que, si il ha un risco, non se debe autorizar, mais si
scientificamente se ha comprobate que le production es secur, perque limitar lo a septe
annos? Comocunque, le absentia de comprobation scientific non pote esser justification pro
non adoptar mesuras preventive.
Polissa de securitate
Le Parlamento Europee tamben exige que se recognosce le
responsabilitate civil pro damnos del OGM super le salute human o le ambiente e sollicita
que illes qui va dedicar se a un activitate que implica organismos modificate claude un
polissa de securitate pro coperir eventual damnos. Nonobstante, le plenario ha refutate un
emendamento que reclamava le responsabilitate penal.
Un risco es que le liberationes producera resistentia a
antibioticos. A causa de illo le Parlamento exige que non se autoriza qualcunque organismo
geneticamente modificate que contine genes resistentel a antibioticos.
Le etiquettage es altere aspecto al qual le Parlamento
concede special importantia. Le consumitor debe saper si su alimentos contine o non OGM, e
tosto decider liberemente. A causa de illo, le Parlamento propone que, quando un
evalutation scientific constata le presentia de OGM, in le etiquetta de ille producto
figura obligatorimente “contine o se compone de organismos geneticamente
modificate”. E per ora le Camara considera que le melior criterio pro determinar si
il ha OGM es le presentia de ADN geneticamente modificate.
|
