Traducite de Tribuna da Europa per Ensjo. |
ACCORDOS. Le
deputatos ha date “luce verde”, in le session de januario a Strasburg, a un
collection de propositiones destinate a dar execution al dispositiones super politica del
concurrentia previdite in le accordos europee celebrate con Lithuania, Letonia, Estonia
(totes de 1998) e Romania (de 1993), in le relationes inter le UE e cata un de ille paises
candidate a adhestion. De facto, il se tracta de plus un passo verso le approximation de
ille paises al UE, que facilitara lor adaptation al realitate communitari, in le optica de
lor integration. Le deputatos accentua, totevia, que pro garantir le correcte application
de ille principios il es fundamental prestar le debite assistentia technic e de formation
professional al administrationes de ille paises. CRISE.
Preoccupate con le possibile effectos negative pro le industria europee in le
crise financiari que affice varie regiones del globo, le PE ha lanceate un appello al
vigilantia del Commission contra le eventual practica commercial disloyal de alcunes del
partenarios commercial del UE plus afficite per le crise. Le deputatos vole tamben que le
Commission evaluta le possibile impacto de ille practicas disloyal in sectores como le
construction naval, le metallurgia, le siderurgia e le sector textile, e demanda le
ressources a mesuras de adjuta a ille sectores, a fin de diminuer le eventual rupturas de
production e perditas de postos de travalio.
INFANTES. Constatante le inexistentia de
un politica europee del familia, le PE intende de lancear un serie de initiativas in iste
dominio, centrate supertoto super le necessitate de recognoscer e garantir le application
del derectos del infantes e le protection del infantia. Le PE defende, a saper, le
creation de un centro europee del infante in periculo (lo qual debera disponer de un
dossier del infantes disparite), le harmonization del legislationes national in materia de
lucta contra le pornographia infantil e le exploration sexual del infantes, e le adoption
de un codice de conducta contra le tourismo sexual, capace de permitter le persecution del
citatanos national qui committe tal typos de actos in le exterior.
|
