Al fin de 1998 Austria ha passate le consignation a Germania
Traducite de Europa Oggi per Ensjo. |
Le cancellero austriac Viktor Klima, in qualitate de
presidente del Consilio Europee, ha traciate un balanciamento del semestre austriac,
concludite a fin de anno con le passage del presidentia a Germania, e plus in particular
del recente Summitate occurrite le 11 e 12 de decembre a Vienna. In ille occasion le chefs
de governamento ha lanceate le bases pro un nove stragetia europee in materia de empleo,
crescimento e stabilitate, mais tamben de securitate e de qualitate de vita.Urge le
reformas
Le Agenda 2000, ha prosequite Klima, ha essite le puncto de partita pro le major parte
del initiativas interprendite per le presidentia austriac in thema de reformas del
politicas communitari, e in particular del politica agricole e del politica structural.
Iste politicas debera respectar un balanciamento auster — in linea con le nationales
— mais reinfortiar le solidaritate inter le Dece-cinque; in tal contexto se considera
tamben le necessitate de reformular le repartition del receptas communitari inter le
Statos-Membros.
Positive resultatos ha essite attingite tamben sur le strata del allargamento e del
Union Monetari, in merito del qual se ha decidite nominar un representante europee pro le
euro. Non ha essite possibile facer tanto pro le politica externe perque non tote le
Statos-Membros ha ratificate le tractato de Amsterdam.
In thema de securitate interne le cancellero austriac ha recordate le initio de Europol
e le progressos del debattes super le spatio de securitate, libertate e justitia. Pro le
ambiente ha essite decidite inserer in tote le politicas communitari alcun principios
fundamental de salveguarda.
Lucta contra le disoccupation
Le thema dominante a Vienna, assi como in le curso de tote le semestre — ha
concludite Klima — ha essite totevia le lucta contra le disoccupation que es
conducite sia con politicas national sia con un reinfortiate cooperation a nivello
europee, specie in le controlo del resultatos, in le coordinamento del politicas fiscal,
in le relationes economic externe. Le ver e ipse programma commun — possibilemente
completate con objectivos quantificate e con calendario — deberea esser approbate in
martio in un Summitate extraordinari que se tenera a Colonia.
|
