| Si le Commission ha in grande parte realizate su programma de
1998, al fin de novembre, 181 dossiers esseva in instantia al Consilio pro decision final
e un position commun ancora debeva esser adoptate a proposito de 89 dossiers. Le
Parlamento Europee regretta in ultra le practica que se disveloppa de associar
declarationes unilateral al processos verbal del Consilio. Desirante le termino de iste
habitude, le Parlamento Europee reitera su requesta de arrivar a un plus stricte
cooperation interinstitutional con respecto al preparation del programma legislative
annual. Quanto al programma de travalio de 1999, le Parlamento Europee demanda al
Commission de interprender reformas ducente a cambios significative a fin de modernizar su
functionamento e de restabilir, tanto tosto quanto possibile, le confidentia.
Illo desira que tote le mesuras con relation al Agenda 2000 sia adoptate ante del fin
del legislatura e demanda que propositiones sia formulate in vista de un reforma general
del tractatos immediatemente post le completion del procedura de ratification del Tractato
de Amsterdam. Illo face ancora observar que le Commission es tenite de dar contunuation al
demandas de initiativas legislative del Parlamento e invita le Commission a facer
propositiones con respecto al demandas que ha ja essite adressate a illo.
In le dominio del politicas interne, le Parlamento se felicita que le Commission
concede un grado elevate de prioritate al strategia in materia de empleo assi como
initiativas previste con respecto al lucta contra le discrimination e le mesuras de
incitation sur le plano del integration social. Illo considera de facto que le dimension
social del Union non debe esser limitate al empleo.
Le Parlamento Europee desira le organization de un conferentia interinstitutional pro
analyzar le application del Tractato de Amsterdam in le dominio del justitia e del
affaires interne e invita le Commission a presentar un proposition relative al integration
del accordo de Schengen in le Tractato.
In le quadro del Agenda 2000 (reformas interne preparatori al allargamento), illo exige
que le Commission presenta un continuation a su reporto super le functionamento del
systema del ressources propries. Illo rememora que illo ha demandate le presentation de un
proposition relative al creation de un officio de lucta antifraude independente e sublinea
que un regulamento concernente un nove agentia externe, non assumente plus que certe
functiones actual del UCLAF, non responde al desiros del Parlamento.
In fin, illo considera que le programma de travalio 1999 manca de ambition in le
dominios del ambiente, del protection del consumitores assi como del salute public. In
ille dominios, le Parlamento Europee attende del Commission que illo presenta
propositiones visante a realizar le objectivo de reduction de 8% del emissiones de CO2
que se ha fixate le Union Europee. Insistente super le importantia del securitate
alimentar le Parlamento demanda dispositiones concernente le entrata in le mercato de nove
alimentos geneticamente modificate, la includite le information del consumitor.
Con respecto al presentia del Union in le mundo, le Parlamento demanda al Commission de
precisar su propositiones in materia de transposition del Tractado de Amsterdam in le
dominio del Politica Exterior e de Securitate Commun e de discuter con illo super poner in
practica propositiones franco-britannic super un politica de defensa.
In le quadro del processo de pace al Medie Oriente, le Commission debe prender tote le
mesuras de adjuta e de cooperation economic que se impone. Le Parlamento se felicita
ancora del prioritates quanto a Russia e le nove statos independente e invita le
Commission a precisar per qual medios illo plana meliorar le gestion e le organization del
programmas concerntente le derectos human e le democratization.
A iste respecto, le Parlamento Europee demanda le inclusion de un clausula relative al
derectos human e al democratia in le accordos de pisca concludite con paises tertie. Illo
desira tamben un communication del Commission super le criterios pro le disveloppamento
del commercio eque.
|
