Traducite de Tribuna del Parlamento Europeo per
Ensjo. |
BENES DE CONSUMPTION. Le proposition de
directiva super garantias del benes de consumption, a fin de assecurar le confidentia del
consumitores qui acquire benes in altere Stato-Membro, ha passate de novo per le plenario
pro un secunde lectura. Sur iste thema le Parlamento Europee es collegislator con le
Consilio. Le norma quere que los consumitores europee pote facer valer lor derectos, sin
complicationes, quando illes acquire un producto defectuose in un Stato distincte al de
lor residentia. Le Parlamento ha succedite a que se recognosce un duration minime de duo
annos pro le garantia. In ultra, illo vole que le fabricante adjunge a lor productos un
lista con un adresse ubi se pote presentar querelas in cata Stato-Membro. MERCATO
INTERNE. A fin que le mercato interne sia un realitate, il debe haber
avantiamentos in materia fiscal e in le libere circulation de personas. Assi lo considera
le Parlamento Europee, que ha approbate le reporto del eurodeputato popular espaniol José
Manuel García-Margallo, ubi se evaluta le progressos verso un autentic mercato unic. Le
Parlamento sollicita al Commission de presentar un nove plano de action pro completar
definitivemente ille mercato unic de maniera parallel al introduction del euro de hic a
2002.
CONTROLO DE CO2. Le Camera ha date le visa bon a un plano
de controlo del emissiones medie de dioxydo de carbon del autos tourismos nove. Con le
objectivo de complir con le compromissos ambiental de Kyoto, le Union Europee intende de
reducer le emissones de CO2 del autos tourismos nove talmente que pro le anno
2005 le media de CO2 per vehiculo sia de 120g/km. Pro evalutar in qual mesura
se compli ille objectivo, se necessita un systema europee de controlo del emissiones que
coordina le datos colligite per le Statos. Ha defendite le reporto ante le session plenari
Laura González, eurodeputata austriac del Sinistra Unitari Europee.
APPROXIMATION AL INCARCERATOS. In un resolution recentemente approbate
le Parlamento Europee pete al Statos-Membros que in su carceres se respecta le exigentias
minime de salubritate in questiones como conditionamento de cellas, alimentation,
calefaction o hygiene. Illo reclama tamben que se prende in consideration le ambiente
familiar del condemnatos e que se favora le incarceramento in un loco proxime al domicilio
del familia.
SAHARA. Le eurodeputatos espaniol ha approchate alcun questiones
relative al referendum de autodetermination in le Sahara Occidental. In le debatto al
session plenari se ha insistite in le necessitate de un plano de cooperation con le
region. Tamben se ha advertite de que non prender postura equivalerea a acceptar le status
quo, con lo que se prejudica illes qui es a favor del independentia. Le eurodeputatos ha
criticate que Sahara esseva foras del conclusiones de Vienna e ha sollicitate que le Union
Europee assume con responsabilitate su rolo in iste processo.
|
