Traducite de Europa Forum per Ingvar
Stenström. |
Mesuras de securitate
Expertos time de plus in plus le risco de falsification del numismas e notas al
introduction del euro. Primo, le aspecto del notas al initio non es cognoscite a cata
persona, lo que face difficile le verification de lor authenicitate. Secundo, le euro
essera usate tamben in altere regiones del mundo como valuta de “reserva”. Per
isto le falsificatores potential pote presupponer un acceptantia global de lor moneta false.
Iste facto alarmante faceva le Parlamento Europee initiar un debatto concernente le
elaboration jam nunc de un protection pro le euro contra falsificationes. (Reporto Schmid
(PSE/D)). Le parlamentarios requireva un disveloppamento ulterior del collaboration inter
Europol, le policias national, autoritates del justitia e institutos monetari. Al mesme
tempore illes plaidava pro un fortification del rolo de Europol. Le PE reguarda le
surveliantia per UCLAF, le Unitate de Coordination del Lucta Anti-Fraudes del Commission,
plus tosto con scepticismo. In addition le leges penal debe esser harmonisate de tal modo
que simile grados de crimine debe esser judicate similemente in tote le statos membros.
Importante es legislation tanto rapide e tamben efficace como possibile al plus tarde
usque al anno 2000, a fin que le instrumentos del securitate poterea esser reexaminate
ante le introduction de facto del euro. |
