Traducite de Tribuna da Europa per Ensjo. |
SURDITATE. In le UE existe circa medie
million de personas qui suffre de surditate total, e multes plus con deficientia auditive.
Mais, solo quatro Statos-Membros recognosce officialmente le linguage gestual. Pro isto,
le PE exhorta le Commission a presentar un proposition pro le recognoscimento official del
linguages gestual per le Statos-Membros, al mesme tempore que require mesuras pro promover
le linguages gestual a nivello europee: le financiamento de programmas destinate al
formation de formatores e interpretes de linguages gestual, o le obligation de facer tote
le programmas del UE accessibile al surdos, assi como tote le reuniones public organizate
per le institutiones del UE. Le PE pete equalmente le creation de legislation europee que
assecura le transmission in linguages gestual de un numero minime de programmas
televisive. MONETAS. A fin de satisfacer le requestas de Union Europee
del Cecos, e per le Association Europee de Fabricantes de Distributores Automatic, que
considera que le monetas de 50 e 10 centimos es susceptibile de esser confundite, le PE ha
approbate le augmento del peso del moneta de 50 centimos e le modification del bordo del
monetas de 50 e 10 centimos, de maniera a assecurar lor plus facile distinction.
ITALIA. Le PE ha expressate su appoio a Italia, pro le forma como su
autoritates ha gerite le dossier Oçalan, le dirigente curde del PKK, accusate de
terrorismo. Le autoritates italian ha rejectate le petition de extradition facite per
Ancara, viste que su constitution prohibe le extradition de personas susceptibile de esser
condemnate a pena de morte, lo que ha provocate varie menacias del parte de autoritates
turc. Le PE considera iste attaccos inadmissibile e, sin negliger condemnar le recurso al
terrorismo, pete al UE de demonstrar su solidaritate verso le autoritates italian, que non
ha facite plus que applicar le regulas in vigor in un Stato de Derecto.
|
