Traducite de Tribuna del Parlamento Europeo per
Ensjo. |
SUSPENSION DE IMMUNITATE. Per 420 votos a
favor, 20 contra e 6 abstetiones, le Parlamento ha suspendite le immunitate parlamentari
de Jean-Marie Le Pen, que habeva essite sollicitate per le Ministerio de Justitia german,
a causa de alcun declarationes del deputato francese a Munich in 1997, ubi ille ha
affirmate que “...le camaras de gas es un detalio del historia del Secunde Guerra
Mundial...” Viste que tal manifestationes non se effectuava durante le exercitio del
function de deputato e, in ultra, entrava in le ambito de un normativa german specific, le
Parlamento estima que corresponde al judice determinar in qual mesura se ha infringite
ille normativa. CONTAMINATION PER NITRATOS. Le contamination del aquas
per nitratos, multo relationate con le agricultura intensive, ha attingite nivelos
periculose in le Union e es specialmente grave in le Paises Basse. Ben que existe un
legislation europee super isto, le non-complimento es systematic. Ante iste duple problema
— de salute public e non-complimento del lege — le Parlamento Europee ha exigite
un rapide implementation del normativa, e ha defendite le procedimentos de infraction
initiate per le Commission contra varie Statos Membros.
CRISE DEL SECTOR PORCIN. Le precios del carne de [cerdo] se incontra a
minimos historic, consequentia del accumulation de excedentes durante le ultime annos. Le
Parlamento Europee, preoccupate, in particular, con le difficultates in le quales se trova
le parve productores, ha demandate mesuras additional pro reducer le excedentes. De su
parte, le Commission ha [matizado] que se pote mitigar le effectos del crise, ma non
[contrarrestar] totalmente le cadita de precios.
BIBLIOTHECAS. Le Parlamento in session plenari ha approbate un reporto
de proprie initiativa super le bibliothecas, in le qual se distacca lor rolo relevante in
un societate democratic, per offerer information accessibile per totes. Le resolution
recommenda le creation de un rete europee de bibliothecas, e insiste in le character
gratuite de lor servicios basic.
RETES TRANSEUROPEE. Le reporto del deputato popular espaniol Joaquín
Sisó recipeva le [visto] bon del Camara. In illo, se appoia le disveloppamento de
infrastructuras de transporto pro connecter le Union Europee con su vicinos del Est.
Nonobstante, sin negliger le infrastructura in le interior del Communitate, ni, in
particular, le ligamines con le [cuenca] mediterranee. In ultra, le Parlamento reitera que
se debe promover un transporto respectuose con le medio-ambiente, ponente le emphase sur
le transporto public de passageros e le transporte per ferrovia.
|
