Traducite de Tribuna del Parlamento Europeo per
Ensjo. |
Crise financiari del sudest asiatic, depression in Japon,
crise politic in Russia, possibile implicationes in America Latin. Existe risco de un
crise economic mundial? Iste themas ha essite objecto de un debatto extraordinari in le
[hemiciclo] de Strasbourg e de un resolution in le qual le Camara europee manifesta su
preoccupation quanto al manco de controlo international del mercatos financiari. [En aras
a] un regulation e supervision international plus effective, e a fin de prevenir le
apparition de crise in scala mundial, le Camara advoca pro un reforma de organismos como
le Fundo Monetari International o le Banca Mundial, e insiste tamben in le
importantia de un information financiari transparente.Russia
Secundo le majoritate del deputatos, lo que se debe evitar es le renascentia del
protectionismo, pois que le liberalization del commercio mundial e del investimentos
transnational es le melior forma de exir del difficultates actual. Illes tamben non appoia
le mesuras protectionistas pro le circulation de capitales e considera que le controlos de
capital non functiona a longe termino, ben que illos pote esser adequate in le situation
actual de Russia. Iste pais ha essite objecto de un resolution specific in le qual illo es
instate a confrontar con firmitate le reformas verso un economia social de mercato.
|
