Traducite de Tribuna del Parlamento Europeo per
Ensjo. |
BASES JURIDIC. Le incertitude que pesava
super le continuitate de varie programmas communitari, inter illos alcunes con grande
reercussion social, a causa de un sententia del Corte de Justitia del CE, que los
considerava illegal per non disponer de base juridic in le Tractato e, ergo, non
susceptibile de reciper dotation budgetari, ha essite eliminate post le accordo attingite
inter le institutiones europee. Isto permittera le disbloccheo de adjutas pro le processo
de pace in Irlanda del Nord, pro le lucta contra le exclusion social, le aggressiones a
feminas e infantes, e le contentos nocive in Internet, per exemplo. INTERPRISAS
DE SECURITATE. Le [tramitación] del directiva super supervision de interprisas
de securitate finiva in le session plenari de septembre a Strasbourg. La se dava luce
verde a un proposition que augmenta le requisitos de capital proprie e de information del
gruppos de securitate. Le objectivo es que le cifras [proportionadas] sia realista e
reflecte adequatemente le solvibilitate del gruppo. Se inclue specificationes pro evitar
le duple computo de ressources proprie e se exige plus de information super le structura
financiari del gruppo e le operationes inter su interprisas.
VIOLENTIA IN ALBANIA. Le Camara ha condemante le assassinato del
leader de opposition albanese Azem Hadjari, e le violentia contra le institutiones e le
partitos politic in Albania. Le eurodeputatos ha instate le Commission e le Consilio a
appoiar le reconstruction politic e economic del Republica de Albania, e a prender mesuras
a fin que le situation del refugiatos non pejora.
GRANDE LACOS. Le populationes que vive in le region african del Grande
Lacos, scenario de conflicto bellic quasi continuate in le ultime annos, suffre continue
violationes del derectos human. Ante illo, le Parlamento ha demandate un cessar-le-foco e
le retirata de tote le fortias estranier, assi como le respecto al integritate territorial
del Congo. Le solution al conflicto debera esser cercate in le sino de un Conferentia
Internatinoal, pois que le actuation del Union non bastares per se sol.
HOMOSEXUALES. In le majoritate del paises del Europa Oriental
candidatos al adhesion al Union ancora mantine in vigor leges discriminatori e mesmo
repressive contre le homosexuales. Per isto, le Parlamento Europee les ha instate a
derogar tal leges. Le commission Europee debera, in le momento del negociationes,
verificar que se respecta in iste paises le derectos del personas homosexual.
|
