Traducite de EP News per Ingvar Stenström. |
Un proposition del UE de introducer un elemento ambiental in
le planification urban e rural provocava un conflicto verbal in Strasbourg e duceva al
accusation contra le Commission de interferentia bureaucratic innecessari in un area
sensibile del politicas national. Caroline Jackson (PPE, RU) commentava: “Nos es
multo discontente quanto a iste directiva proque nos recognosce que tote le statos-membros
ha lor proprie methodos de planification urban e rural. In alcun casos, le consideration
del impacto ambiental es jam multo complexe.” Ma le Comissaria del Ambiente Ritt
Bjerregaard contendeva que le nove proposition esseva presentate in responsa a un critica
previe que un directiva de estimation del impacto ambiental introducite in 1985 se habeva
monstrate ineffective. Se argueva tamben que le existente procedura de impacto ambiental
non prende in consideration le effectos indirecte tal como le impacto de shopping centres
extraurban o de supermercatos sur le routes de circulation e le impacto total de numerose
extensiones de edificios in parve scala. Le nove proposition facerea possibile que
evalutation poterea esser facite plus tosto per fixar nove directivas le quales poterea
esser usate in inquestas de planification.
Sra. Jackson tamben levava un objection legal al proposition, arguente que illo deberea
esser presentate sub un articulo del tractato que da al UE un rolo in le planification
urban e rural, ma ubi decisiones require accordo unanime. Ritt Bjerregaard
discordava, dicente que le proposition ha un loco legitime inter altere directivas
ambiental, ubi decisiones pote esser prendite per voto del majoritate. Le proposition
esseva submittite al consideration del committée legal.
|
