Presentate per le Ministro del Exterior Schüssel le programma
del proxime semestre.
Traducite de Europa Oggi per Ensjo. |
Duo cargas prioritari attende le presidentia austriac in le
secunde semestre de 1998: le preparation del entrata in vigor del moneta unic previste pro
le 1me de januario de 1999 e le allargamento del Union. Assi ha initiate su discurso, in
presentar su programma, le ministro del affaires estranier austriac Wolfgang Schüssel
qui ha sublineate como le Euro permittera que le Union confrontara le defia mundial del
globalization, contribuira al creation de nove labor e preservara le capacitate
concurrential del industria europee. Le merito fundamental del Communitate Europee ha
essite illo de haber garantite le pace inter su Statos Membros; il se tracta ora de
ampliar tal processo pro acceptar nove paises in le Union — e Austria es
particularmente interessate al allargamento, a causa de haber quasi le medietate de su
frontieras in commun con quatro paises que es candidate.
Anque le Union debera preparar se pro le allargamento, sia con le indispensabile
reformas institutional que con illos del politica structural, del agricultura e con nove
regulas pro le financiamento del Union mesme. In particular Schüssel ha sublineate le
rolo de colegislator a plen titulo que le tractato de Amsterdam — que entrara in
vigor le proxime anno — ha assignate al Parlamento.
Efficientia, proximitate al citatano, subsidiaritate e legitimitate democratic debe
esser le bases concrete del Union. Le prioritate absolute, in tal contexto, es assignate
al lucta contra le disoccupation, pro le qual existe hodie le instrumentos necessari, a
comenciar del planos de action national super le quales se pronunciara le Summitate de
Vienna. Anque importante es le protection del ambiente — in particular le orator se
ha referite al securitate nuclear in relation al allargamento al paises del Europa
centro-oriental — e le securitate del citatanos. Super iste ultime thema le
presidente del Consilio se ha firmate super le lucta al criminalitate organizate e super
le protection del minores.
In fin, in materia de politica exterior, le orator ha confirmate le positiones del
Union pro le pace in Medie Oriente e pro le disveloppamento del relationes con Turchia, e
resta clar le necessitate de trovar un solution al problema de Cypro, pais candidate al
ingresso in le UE.
Le Euro ha fornite un imagine de un Europa technocratic e imponite ab alto — ha
sublineate Ernesto Caccavale (UPE, I) — e il es ora un carga del presidentia
austriac aperir le strata a un Europa plus proxime al citatano. In le ambito del politica
exterior le Europa es dividite e private de ver peso politic, in merito al allargamento il
es necessari evitar le methodos de contabilitate, troppo de rhetorica ha essite facite, in
fin, super le problema del occupation.
Le imminente apertura del negotiationes pro le nove accordo de partenariato con le
paises APC que substituira le IV Convention de Lomé essera un del principal bancos de
prova del nove presidentia, ha sublineate Luciano Vecchi (PSE, I) secundo le qual
il es necessari superar le reticentias de alcun Statos Membros e reinfortiar le contento
politic del accordos pro confrontar le defias del globalization.
Pierluiggi Castagnetti (PPE, I), se ha congratulate con le presidente del
Consilio pro su reporto concrete e responsabile, se ha firmate super le problema del retes
transeuropee e in particular super le duplication del ferrovia del Brennero e super le
liberation del aeroporto de Malpensa 2000. Pro le disoccupation on besonia passar del
parolas al factos e subtraher alcun competentias del Statos Membros e fornir al solution
del problema un impulso communitari. |
