José Maria Gil-Robles accentua le facile integration de
Finlandia in le UE.
Traducite de Tribuna del Parlamento Europeo per
Ensjo. |
Le presidente del Republica de Finlandia, Martti Ahtisaari,
pronunciava le passate 17 de junio un discurso ante le assemblea del Parlamento Europee,
in le qual ille sublineava que su pais aspira a un Union Europee que sia forte, viste que
illo lo permittera defender melior su interesses e le objectivos de su Statos-membros. In
su opinion, per medio del cooperation e le integration se refortiara non solo le
stabilitate del continente, como tamben le position de cata un del Statos que lo compone.
Le presidente Ahtisaari proponeva tamben que se reforma le institutiones communitari ante
le proxime ampliamento, advocante, in iste respecto, in favor que se adopta plus e plus
decisiones per majoritate qualificate e non per unanimitate, e pro que le reformas que se
realiza permitte le creation de un base durabile pro le disveloppamento futur del Union.Valores
commun
"Finlandia e le finlandeses sempre ha defendite valores commun a illos del Union
Europee", accentuava José Maria Gil-Robles, "e illo les ha permittite un
integration natural e facile in le Union." Le presidente del Parlamento Europee
citava Finlandia como exemplo in recordar que le institutiones debe esser al servicio del
citatanos e esser, per consequentia, efficace e transparente in su functionamento.
|
