Traducite de Tribuna da Europa per Ensjo. |
Information. A fin de garantir un melior
information del citatanos super le objectivos e le activitates del UE, le deputatos
approbava al session de maio, in Strasbourg, un resolution in le qual illos pete que le
infra-structuras e le ressources del servicios del PE e del Commission destinate al
information sia gerite in commun, a fin de exequer actiones de information conjunctemente.
Le servicios e centros de information existente in le varie paises debera esser unite in
un sol local, a fin de crear ver "Casas del Union". Naturalmente, ambe
insitutiones deberea continuar exequer autonomemente le labores de information relative a
su activitate specific. Antibioticos. Deputatos de tote le gruppos
politic appoiava un resolution que pete al Commission pro proceder a un evalutation
scientific rigorose del eventual periculos resultante del utilization de productos
antibiotic in le alimentation de animales destinate al consumo human, visante a su
prohibition in tote le UE. Rememora que alcun statos-membros prohibe ja le utilization de
antibioticos pro ille fin. In le caso que on cammina al prohibition, on deberea tamben
prohiber le importation de animales e carne proveniente de paises que tolera ille
practica, como le SUA. Como le Commission lo recognosceva, pro terminar ille typo de
practica on debera supertoto discoragiar le creation intensive de animales, a fin de
render lo pauc lucrative.
India. Vive indignation in Strasbourg, ubi deputatos de varie gruppos
politic denunciava le irresponsabilitate del autoritates indian in effectuar tres essayos
nuclear subterranee le ultime septimanas, in un attitude que pote ducer al reinitio del
cursa al armas nuclear e mitte in periculo le stabilitate e le securitate del continente
asiatic. Varie deputatos exigeva que le UE reage de maniera cohese ante le attitude del
governamento indian, prendente sanctiones diplomatic e economic contra Nove Delhi. In
practica, le cooperation del UE con India potera mesmo esser ponite in causa. Altere
deputatos, malgrado condemnante India, non negligeva rememorar que le tests ora realizate
per iste non ha un natura differente de alteres effectuate per un determinate stato-membro
del UE non multe tempore retro.
|
