Traducite de Tribuna
da Europa per Ensjo.
|
TRIBUNAL
PENAL INTERNATIONAL. PE e Consilio se
monstra dedicate al creation de un Tribunal Penal
International destinate a judicar le autores de
crimines de guerra, crimines contra le
humanitate, genocidios e altere grave violationes
del derecto international. Le perennitate, le
efficacia e le complementaritate debera esser le
principios-clave de iste tribunal, que debera
disponer de un Ministerio Public independente,
dotate de medios pro proceder le investigationes
e pro presentar denuncias per su proprie
initiativa, sin necessitate del consentimento
previe del statos-membros. Le ipse statuto debe
previder le obligation que le statos-membros
coopera integralmente con le Tribunal, defende le
PE. LEGISLATION ALIMENTARI. PE
e le Commission es de accordo quanto al
necessitate de un directiva pro definir un
politica communitari basate in un alimentation
san e in le qualitate del productos, questiones
que debe esser considerate prioritari. De accordo
con le deputatos, nos ja nos trova in conditiones
de stabilir un regulamentation referente al
productos alimentari, per exemplo, al modo como
nos adde vitaminas al productos alimentari, e le
normas a stabilir debe esser sufficientemente
sever pro assecurar un controlo efficace,
supertoto in lo que se refere al exploitationes
agricole. In causa es le defensa del interesses
commun del productores e del consumitores, perque
como on recognosce hodie, il es le qualitate del
productos que permitte le juste e adequate
competitivitate del mercatos. Durante le debatto,
era emphatizate le importantia de un etiquettage
clar e exhaustive del productos alimentari. Le
Commissario Bangemann accentuava que le
dispositiones juridic a considerar debe tener
conto del compromissos international e que le via
a sequer debe comprehender actiones in le ambito
del "codex alimentarius" e del OMC.
EURO. A fin de contribuer pro
le acclaramento del opinion public super le
consequentias del introduction del euro, le PE
editava un brochure informative super "Le
Moneta Unic e le Parlamento Europee", in le
qual le lector pote trovar detaliate information
general super le moneta unic e un perspectiva del
rolo complite per le PE, como organo
representative del citatanos europee, al longo de
tote le processo de creation del Union Economic e
Monetari. Le referite brochure potera esser
obtenite presso le Gabinete de Informação do
Parlamento Europeu, Largo Jean Monnet, 1-6º,
1250 Lisboa (tel. 357 82 98), o via Internet: http://www.europarl.eu.int.
|
