Traducite ab Tribuna
da Europa per Ensjo.
|
SOCRATES. PE
e Consilio arrivava finalmente a accordo super un
amonta de 70 milliones de ecus pro augmentar le
financiamento del programma SOCRATES pro le
periodo de 1998–1999. Rememora que SOCRATES
es un programma que se destina a promover le
cooperation europee in le dominio del education,
a saper, per medio del mobilitate del studentes e
del professores, le apprentissage de linguas, le
excambios de experientias e de informationes
inter formatores, etc. Previdite pro durar inter
1995 e 1999, SOCRATES ha essite dotate de un
financiamento de 850 milliones de ecus, habente
essite previdite le possibilitate de revision de
iste amonta post duo annos de application del
programma, con base in le evalutation de
resultatos realizate per le Commission. Iste ha
proponite que le programma esseva augmentate in
50 milliones de ecus. Originalmente, le PE
considerava iste augmento insufficiente, viste
que le programma habeva essite expandite al
participation del PECO, proponente que le
augmento esseva de 100 milliones de ecu. Le
Consilio, totevia, solo voleva dar plus 25
milliones de ecus! Felicemente, ambe
institutiones al fin accordava con le rationabile
financiamento de 70 milliones de ecus. PINOCHET.
Le PE se oppone vigorosemente al
intention rendite public per General Pinochet de
assumer le carga de Senator [vitalício] in
Chile. De facto, non potente oblidar le
responsabilitates del antique dictator in le
grave violationes del Derectos del Homine
occurrite in ille pais, le deputatos manifestava
su appoio al initiativas del partitos politic e
del organizationes del societate civil chilen que
visa a evitar que tal nomination se concretiza,
in un resolution approbate in Strasbourg in
februario.
FEMINAS AFGHAN. Le PE
condemna firmemente le regime [talibã] e su
politica de violation systematic del Derectos del
Homine, que retirava al feminas su derectos le
plus elementar, includente le accesso a servicios
sanitari adequate e al education. In iste senso,
le PE manifesta su appoio al campania "Un
flor al feminas de Cabul", incoragiante,
tamben, tote le initiativas del associationes o
del ONGs con scopo que le Die del Femina, 8 de
martio, sia consacrate al feminas afghan. Con
exception del adjuta humanitari, le deputatos
pete que se mantene le suspension de qualcunque
adjuta o programma de cooperation con Afghanistan
durante que non sia restabilite le Derectos del
Homine in le pais.
DERECTOS DEL HOMINE. Nigeria
e Birmania ha essite objecto de vive criticas del
eurodeputatos per le grave violationes del
Derectos del Homine que le respective regimes ha
practicate massivemente. In le debatto, le
session plenari approbava equalmente un
resolution petente al Consilio que illo defende
de modo coherente le positiones del UE in materia
de Derectos del Homine in le proxime session (le
54te) del Commission del Derectos del
Homine del ONU.
|
