Traducite de Europa Forum
per Chris Burd.
|
Le statos que
fundava le politica spatial europee
in 1975 ha ponite quatro objectivos, le quales es
coordinate hodie per le Autoritate Europee
de Spatio Exterior. Istos es:
- Assecurar a Europa su proprie accesso
independente al spatio exterior e
construer su proprie industria de satellites.
- Coordinar le travalio del Union e del
statos individual e anque illo del
industria.
- Promover le capacitate competitive del
industria europee.
- Appoiar recercas e disveloppamento in
iste sector.
In un debatto re le politica spatial
(Reporto Desama PSE, B), le Parlamento Europee
emphatisava que le viage spatial es indispensabile
pro observationes del mundo, le quales provide
datos e infrastructura pro multe servicios
pertinente al cargas public. Inter istos
es le politica de transportos – cuje
problemas pote solver se per telemetria de
traffico – combatto contra le fraude,
le agricultura, le pisca, e anque observationes
del climate o le protection contra catastrophes
natural.
Viste que in Europa minus moneta es disponibile
in toto pro le viages spatial e cosas connexe, le
PE opina que le industria de viages spatial debe
se concentrar plus forte. A fin de reinfortiar le
viages spatial e de assecurar un optime
coordination, le Parlamento recommenda le
inclusion del viages spatial in le plan de
travalio del Consilio Europee e le
realisation de un reunion del Consilio –
illo es, sur le nivello del chefs de stato e de
governamento – que tractarea solmente
de iste thema.
|
